طارطوليت لذيذة وشهية بالصور

مخبزة ريم تقدم:

طارطوليت لذيذة وشهية بالصور

المقادير

250غ طحين مغربل
2م/ك سكر كلاصي
125غ زبدة باردة ومحكوكة
1 فاني
2 اصفر بيض
قبصة ملح

الحشوة
نصف لتر حليب +2م/ك كريم باتسيير بودر +4 م/ك سكر +فاني 
نخلطو كلشي ونعملوه يطيب حتى يعقاد
نصف لتر عصير برتقال +2م/ك كريم باتسيير +5م/ك سكر +فاني نفس الطريقة 1
الزينة :
الفواكه على حساب المستطاع والموجود
طريقة العجين
نعملو الطحين في ايناء ونزيدو السكر . ملح .فاني وقبصة خمارة اختياري ونزيدو الزبدة ورملوها مزيااان باطراف الاصابع ونزيدو اصفار البيض ونجمعوها بدون دلك ونعملوها في بلاستيكا ثم نحطوها فالثلاجة ترتاح 30 دقيقة

من بعد ما نخرجوها نطلقوها بالمدلك متكونش رقيييقة ومتكونش غليظة ونعملوها في مول خاص بها يكون مدهون بالزبدة ومرشوش بالطحين ونتقبوها بالفورشيط 

ونتبتو من فوقها بابي ألمنيوم ونتقلو عليها بالحمص او لوبيا .. هاد العملية تنعملوها باش تبقا قابطة لفورما ديال المول ومتهبطشي لينا

 وندخلوها طيب في فرن متوسط الحرارة منين تبان لينا طابت من لجناب نخرجوها ونزولو بابي ألمنيوم ودكشي باش متقلين ورجعوها تحمر من الفوق على فكرة هداك الحمص لزولناه نحتافظو بيه لنفس المهمة مرميوهش
من بعد ما تنخرجوها كندهنوها بالشكلاط مدوب باش ميخليهاش تشرب الرطوبة وتفتت لينا لانها تتكون هشيشة

 ونخليوه تاينشف ونزيدو من فوق كريم باتسيير لطيبناه وبرد شوية ونرشو شويش دلفواكه من فوق منها

 نخليوها حتى تبرد مزيااان ونزيدو كريم ديال البرتقال

 من بعد ندخلوها لثلاجة حتى تبرد وزينوها بالفواكه ودهنوها بالناباج 

هاهي وجدات باش تقدميها

بالصحة والراحة