فقاص ألذ منو ما كاين بالصور

مخبزة rymita تقدم:

فقاص ألذ منو ما كاين 

السلام عليكن و رحمة الله تعالى و بركاته

وصفة اليوم هي فقاص باللوز كيجي غزآآآآآل في المنظر و أيضا في المذاق يصلح حتى للمناسبات

المقادير

رابعة جنجلان محمر+ ملعقة كبيرة نافع مصهض شوية (عنداكم تحرقوه )

رابعة لوز مغسول مزيان و نرقدوه في رابعة حليب ماشي بزاف الوقت اللي نوجدو باقي المقادير و نستعملوه

رابعة زيت

1/2 كيلو سنيدة

4 بيضات مطربين نخليو منهم شويييي للدهن

1 خمارة و نصف + مليحة

و أخيرا الدقيق هي و ما رفدات العجينة ما قاصحة ما خفيفة

طريقة التحضير

نخلطو جميع المقادير و نضيفو الطحين

نقسمو العجين على 5 كويرات و نحربلوهم و ندهنوهم بالبيض و ندخلوهم الفرن على عافية مهيلة حتى يتنفخ و ينشف نعرفوه بلي طاب نهبطوه لتحت شوية و نخرجوه

نخرجوه و نوضعو الحرابل في بلاستيك

و نغطيوه بمنيدل و نخليوه حتى للغد

و نقطعوه بسكين ماضي

ونحمروه

أهاهو واجد

بالصحة والراحة