مخبزة أم ملاك تقدم:
مسمن الوردة مورق
مقادير العجين .
كيلو الطحين الفورص لخميرة ديال الحلوة من فئة 14g
2 معالق زيت أو جوج معالق زبدة
3 معالق الخل ، على فكرة الخل كيجب المسمن هشيش ومورق
الملح
تعجن بالماء
الطريقة
تعجن جميع المقادير وتدلك مزيان وتكون شوية خفيفة بحال عجين المسمن العادي وتدهن بالزيت ونديروها فبلاستيكة ونخليوها ترتاح .
مقادير الحشوة
2 بصلات مشلضين رقاق
فلفلة حلوة حمرة وفلفلة حلوة خضرا مقطعين رقاق
2 خيزوات محكوكين
1 كرعة خضرة محكوكة
2 معالق مطيشة
الطون أنا كنستعمل الطون الحار ولكيبغي لهريسة إديرها
الملح، القليل من الابزار، والخرقوم
بيضة للدهن
الطريقة
نديرو كلشي فمقالاة مع 2 معالق زيت حتى يتشحرو ونتبلوهم بالتوابل المذكورة وفي الأخير نزيدو الطون .
هاهى الحشوة ديالنا واجدة
الطريقة مشروحة بالصور
ملي ترخف العجينة نعملو خبيزات صغار ونسمنوهم بالزبدة مدوبة ونعملوهم بحال المسمن العادي وملي نكلملو الكل
ناخدوالمسمنة الأولى ونبسطوها شوية
وملي نعمرو المسمن
ونجمعوه على شكل وردة
نهزوه ونحطوه فطاوة مدهونة وفالطاوة نحاولو نبسطوهم شوية ونحلو الجناب باش تبان الحشوة
وندهنوهم بالبيض وندخلوهم لفران
وهاهومة المسيمنات واجدين
بالصحة والراحة
فيسبوك
تويتر
جوجل بلاس
يوتيوب
دايلي موسيون
واطـ
بودكاست
الخلاصات